Врз основа на чл.45 ст.1 од Закон за Административни службеници (Службен весник на Република Македонија бр.27/2014, 199/2014, 48/2015, 154/2015, 05/2016, 142/2016, 11/2018) и (Службен Весник на Република Северна Македонија бр.275/19, 14/20, 215/21, 99/22 и 208/24), Градоначалникот на општина Чашка, ја донесе следната:
ОДЛУКА
за избор на кандидат по Јавен Оглас 08/2025 за вработување
на административен службеник
- За работно место – УПР0101Б04000 Раководител на Oдделение за правни работи, Oдделение за правни работи, Сектор за стручна поддршка, правни, општи работи и ИКТ, СЕ ИЗБИРА КАНДИДАТОТ ДУШИЦА ЈОВАНОВА
- Избраниот кандидат од точка 1 на оваа Одлука, ќе биде вработен на наведеното работно место, по конечноста на оваа Одлука, за што ќе се донесе посебно решение за вработување, за избраниот административен службеник.
- Оваа Одлука ќе се достави до избраниот кандидат и ќе се објави на интернет страницата и огласната табла на Агенција за администрација.
- Оваа Одлука влегува во сила со денот на донесувањето.
О б р а з л о ж е н и е
Агенцијата за администрација по Барање на општина Чашка, на ден 09.01.2025 година, во дневните весници Нова Македонија, Вечер и Коха, објави Јавен оглас бр.08/2025, за вработување на административен службеник, во општина Чашка, на работно место под бр.1 УПР0101Б04000 Раководител на Oдделение за правни работи, Oдделение за правни работи, Сектор за стручна поддршка, правни, општи работи и ИКТ.
Во врска со наведениот Оглас формирана е Комисијата за селекција за вработување на административни службеници, Решение бр.10-54/3 од 15.01.2025 година, донесено од страна на Директорот на Агенцијата за вработување, Комисијата на ден 24.01.2025 година, спроведе административна селекција за административен службеник и состави Записник бр.10-54/4 од 24.01.2025 година.
Комисијата на ден 10.02.2025 година, спроведе испит за административен службеник и состави Записник од спроведен испит за административен службеник бр.10-54/5 од 10.02.2025 година.
Комисијата на ден 11.02.2025 година, спроведе постапка за проверка на веродостојноста на доказите и интервју за административен службеник и состави Записник бр.10-54/6 од 10.02.2025 година.
По спроведената постапка, на ден 11.02.2025 година, Комисијата до Градоначалникот на општина Чашка, достави Конечна ранг листа на кандидати од сите фази на селекција и Предлог за вработување на кандидати по јавен оглас бр.08/2025, заради избор на кандидат.
Врз основа на приложената документација, Градоначалникот на општина Чашка, одлучи како во диспозитивот на оваа одлука.
Правна поука: Против оваа одлука незадоволниот кандидат има право на жалба до Агенцијата за администрација во рок од осум дена од денот на објавување на одлуката на Веб страницата и на огласната табла на Агенцијата за администрација.
Општина Чашка
Градоначалник
Горан Стојановски, с. р.
