Врз основа на член 9 од Законот за слободен пристап до информации од јавен карактер (Сл. Весник на РМ бр.13/06), и член од Статутот на Општина Чашка, Советот на Општина Чашка на седницата одржана на ден 12.06.2007г. донесе:
ЛИСТА
на информации од јавен карактер во Општина Чашка
- Информации со кои располага Општина Чашка, а кои се утврдуваат од јавен карактер и кој ќе бидат достапни до барателите на информациите се следните:
- Информации за работата на Советот на Општина Чашка
Одлуки, Решенија, Заклучоци, иницијативи, Препораки, Предлог-програми, Програми, Стратегии, Ставови, Информации од работењето на Комисиите и посебните тела на советот на Општина Чашка (предлози, заклучоци, мислења, ставови).
- Информации за работата на Градоначалникот на Општина Чашка
Акти, Решенија, Дозволи, Планови, Програми, Ставови, Мислења.
- Информации од работата на општинската администрација на
Општина Чашка
Врз основа на член 9 од Законот за слободен пристап до информации од јавен карактер.
Информации за работата на Одделение за правни, општи работи, човечки ресурси и месна самоуправа, Одделение за финансии буџет, општински имот и администрирање со даноци, Одделение за образование, култура, здравство, социјална заштита, спорт и соработка со здруженија на граѓани и фондации и Одделението за инспекциски надзор.
- Буџет на Општина Чашка;
- Одлуки поврзани со донесувањето на Буџетот на општината;
- Нацрт Буџет на Општина Чашка;
- Годишен извештај по завршна сметка на Буџетот на општината;
- Одлуки поврзани со утврдувањето на висината и стапките на данокот на имот, данокот на наследство и подарок, данокот на промет на недвижности и комунални такси.
- Акти, Заклучоци, Одлуки, Решенија, Планови, програми од областа на образованието, социјалната заштита, здравството, млади и спорт и соработката со невладини организации и фондации.
- Стратешки документи, Акти, Одлуки, Решенија, програми од областа на локалниот економски развој и информатичката технологија.
- Информации, ставови, мислења од областа на работата на инспекциските служби.
Информации за работата на Одделението за урбанизам, комунални дејности, сообраќај и заштита на животната средина:
- Генерален урбанистички план за населбата Чашка;
- ДУП-ови;
- Урбанистичка документација за населени места;
- Извод од планови;
- Иницијативи, Програми и планови за подготовка на нови ДУП-ови;
- Акти, Планови, Програми од областа на комуналните работи;
- Акти, Одлуки, Планови, Програми од областа на сообраќајот;
- Планови, Програми, Стратешки документи од областа на заштитата на животната средина;
- Информации, Ставови, Мислења од областа на работата на инспекциските служби.
Информации за работата на Општинскиот штаб за заштита и спасување.
- Листата на информации од јавен карактер ќе биде објавена на огласна табла и Службен гласник на општина Чашка.
ОПШТИНА ЧАШКА
Претседател на Советот
Бошко Димовски
